This Book May Save Your Life by Dr. Karan Ranjan Translation in Hindi (work in progress

 INTRODUCTION

    Zara mujhko mera kaam sadhaaran bhasha me batane dijiye. Jab log so rahe hote hain tab mai unhe kaat-ta hun ( unki izazat se) aur cheezein bahar laata hun. Mai aapko jataana chahta hun ki mai achhe logon me se hun, kyunki bawajut iske ki wo log apne sharir ka kuch hissa kho chuke hote hain, jab woh jaagte hain tab mere mareez mere iss kaam se aur bhi pura mehsoos karte hain. Ek general surgeon hote hue, mujhe khushi hai ki main aaton, gall bladder,  bawasir, se lekar aur chizon tak ka ilaj karta hun. 

    Mere peshe me abhi tak, mujhe chamatkari surgery aur dukh-dai jaan ki haani dekhne ka saubhagya aur durbhagya mila hua hai. Iss poori prakriya me, mai iss baat ki kadar karne laga hun ki insaani sharir iss prakriti ka achumbah (nayab ajuba) hote hue sath hi sath maut ka fanda bhi hai.

    Yah kitab chikitsa ki ek encyclopedia nahi hai. Na hi ye aapke chikitsak ka kaam kar paegi. Aap aaj chikitsa ke upay google par dhundh sakte hain, kam se kam kuch logon ko aisa samjhaya jata hai. Balki yahan par jo aapke liye pesh kiya gaya hai wo hai ki kaise aapka asaadharan sharir aap ko tabah karne me bhi laga hai. 

     Sab kuch ant aur tam nahi hai. Chikitsa ke vidhyalay me pravesh lete hi mera insaani sharir he liye jo sunahra nazariya tha wah andhere se ghir gaya aur jaise jaise maine apne vidhyalay me apne marizon ke sharir me samasya, garbadiyan aur kisi hisse ke kaam karne ko theek kiya wah aur kaala hota gsya. maine socha ki ye jo maans ki karawas hai, jisme aap aajivan kaid hain, usme zinda rehne ke tareeko ka raasta dikhane ke liye likhi gai ek pustak kaam ki hogi. Agar aap Tik-tok par mere kaam se parichit hain - jahan maine behtareen shauch(poo) karne/paane ke tarike ke baare me jaankari daalne se shuruaat ki aur ek milkshake ke brand ko banaya jo lakhon logon ko mere aangan me ki taraf le aaya - toh aap jaante hi honge ki mujhe sharir ke baare me failai gain mithakon ka sach batane aur aise vishayon par baat karne me bahut maza aata hai jin par kabhi pabandi lagai hi nahi jaani chahiye thi. Jab hamare swasth par baat aati hai tab apne niji samasyaon ke baare me baat na karna ham insano ke sharir ke liye sabse bada nuksaan hai. Toh chalo un galtiyon ko sahi aur unme sudhaar karte hain iss ek kitab me jise aap manoranjan ke liye, shikshit hone ke liye, aur sirf iss liye padh sakte hain kyunki aap ek insaani sharir me reh rahe hain aur iska purna roop se aur sahi dhang se istemaal karna chahte hain.